የጉበት ንቅለ ተከላ

የታመመው ጉበት በሞተ ለጋሽ ሙሉ ጉበት፣ ወይም ከሕያው ለጋሽ በሚወሰድ የጉበት ክፍል ይተካል። ጉበት እንደገና ስለሚያድግ በጥቂት ወራት ውስጥ የለጋሹም የተቀባዩም ጉበት ወደ መደበኛ መጠኑ ይመለሳል።

የለጋሽ ሂደት

ሕያው ለጋሽ ብዙውን ጊዜ ተስማሚ የደም ዓይነት ያለው የቅርብ ዘመድ ነው። ሰፊ ምርመራ ያደርጋል — የጉበቱ አቀማመጥ ምስል፣ የጉበት ተግባር ምርመራዎችና የሥነ ልቦና ግምገማ — ሕጋዊ ሰነዶቹም በጥብቅ ይመረመራሉ። ለጋሹ ለሌላ ሰው ሲል ትልቅ ቀዶ ጥገና እያደረገ ስለሆነ ምርመራው ለይስሙላ የሚደረግ አይደለም።

ቀዶ ሕክምናው ምን እንደሚያካትት

ለተቀባዩ ከስድስት እስከ አሥራ ሁለት ሰዓት። በቀዶ ጥገና ሙያ ውስጥ ካሉት ትልልቅ ቀዶ ጥገናዎች አንዱ ሲሆን፣ ከዚያ በኋላም ሁልጊዜ ጽኑ ሕክምና ይጠይቃል።

ማገገምና ምን መጠበቅ እንደሚገባ

በጽኑ ሕክምና ከሁለት እስከ አምስት ቀን፤ በሆስፒታልም ከሁለት እስከ አራት ሳምንት። የበሽታ መከላከያን ማዳከም ወዲያውኑ ይጀምራል፤ ዕድሜ ልክም ይቀጥላል። መደበኛ ጉልበትን መልሶ ለማግኘት ከሦስት እስከ ስድስት ወር ይወስዳል።

በዙሪያው የምናዘጋጃቸው ነገሮች

በአገሪቱ ከስምንት እስከ አሥራ ሁለት ሳምንት። ረጅም ቆይታን፣ በሙሉ ጊዜው አጃቢ መኖሩን፣ እንዲሁም ለጋሹም የራሱ የማገገሚያ ጊዜና ማረፊያ እንደሚያስፈልገው ግምት ውስጥ አስገብተን እናቅዳለን።